Magsulat Ka...

Bad news mga p're!!! Hindi ko mapasukan 'yung ilang website na regular kong pinapasok ngayon. Well, tatlo lang naman sila, yung Wattpad, 9gag, at Mangareader. Ewan ko kung bakit, bina-block yata ng computer namin. Haay, gusto ko pa namang i-update yung story ko, tumawa sa mga meme, at ma-entertain sa mga manga.

Pero bigla ko na lang naisip yung mga bagay na hindi ko naiisip dahil "loaded" ako sa mga nasabing website. Na-realize ko tuloy na ang dami ko nang naisantabing dati e trip ko gawin. Hindi ko alam kung bakit, pero siguro kaya ako mas naadik sa mga website na yun kasi napupunta ako sa ibang mundo. Nakakaramdam ako ng kakaibang kasiyahang hindi ko maramdaman sa dito sa kasalukuyan kong ginagalawan. Napupunta ako sa mundo ng mga karakter na kilala ko, pero hindi naman ako kilala.
.
.
.
.
.
.
.
Wala na, putol na yung ideas ko....
.
.
.
.
.
.
Wala lang, namiss ko lang magsulat ng hindi nalalayo sa totoong mundo. Masaya pa rin akong magsulat sa blog kahit mas nararamdaman ko yung sakit at hirap at pressure na galing sa totoong mundo. Ang kinaganda kasi ng pagsusulat, nagiging rational ka.

Yung tipong, kahit naiinis ka pero pag nagsulat ka na, maiisip mo kung bakit, paano, saan o kanino ka naiinis, at kung tama ba. Tapos ang mangyayari, less na yung emotion na pagkainis ang mararamdaman mo. At kahit masulat mo pa rin na naiinis ka, alam mong sa sarili mo e hindi na.

Kaya masarap ding magsulat ng hindi hiwalay sa totoong mundo, kasi hindi ka na masyadong maapektuhan. Try mo. Pag nagselos ka kasi may kasamang lalaki sa picture yung mahal mo, magsulat ka na nagseselos ka. Matik na maiisip mo kung tama ba na magselos ka. Tapos mababawasan na yung nararamdaman mo.

Pero isulat mo pa rin na nagseselos ka, kasi hanggat hindi mo naisusulat sa papel o word document o notes yun, hindi yun mawawala sa'yo. Tandaan: hanggat hindi inilalabas, hindi mawawala. Siguro naman mas mabuti nang labasan ng negatibong emotion yung hindi mo naman masasaktan, kesa sa mga taong may pakiramdam at masasaktan mo lang.

Kung may kaibigan ka naman na pwede mong labasan ng pagkabadtrip sa mundo, go, kausapin mo sya. Pero kung katulad ko na kahit may kaibigan na pwedeng gawan ng ganun pero nahihiya pa rin (due to confidentiality of the subject, e.g. love life), mas effective sakin ang pagsusulat.

Hindi pa ako binibigo ng pagsusulat, kasi para sakin napagaling niyang tagapakinig...at mabuti pang kaibigan kasi hindi nang-iiwan.

Bored Ka Ba?

Haay, ilang linggo na akong hindi nakakpagsulat dito, may inaasikaso kasi akong story ngayon sa Wattpad. Pero mukhang tatamarin na akong magsulat ng kwento, parang mas gusto ko kasing magsulat ng mga idea na lang.

Sem break na nga pala namin. Wala lang, pag sembreak naman namin wala akong ginagawa kundi magcomp at magbasa at magtext. Hindi rin kami nagbabakasyon sa probinsya o resort o sa ibang bansa, kasi wala naman kaming pera. Pero masaya pa rin naman kahit mejo boring. Nalaman ko tuloy na hindi ibigsabihing bored ka e hindi ka na masaya. Tsaka bakit ka ba nabobored?

Pagkamulat ng mga mata, nakakulong ka na sa mga bagay na hindi mo na kabisado kung anu-ano at kung saan nanggaling. Pero, alam mong sa'yo ang mga iyon, at abot kamay lang. Bakit ka ba mabobored? E andami dami namang pwedeng gawin dun sa mga gamit mo.

Una, sa unan mo. Hmm, basta marami kang pwedeng gawin sa unan mo. Pede mong isiping tao yun...tapos may ginanagawa ka sa kanya...tapos, ayun, nire-wrestling... basta! Marami! Ang kailangan mo lang naman ay malawak na imahinasyon at magpakatotoo ka sa sarili mo. Hindi naman ibigsabihing matanda ka na at mature e hindi ka na pwedeng maging bata ulit at immature. Minsan kasi, mas masaya pag bata ka o immature, o ewan, masaya ka lang ata talaga pag immature ka? Kasi mas mababaw ang isip mo. Hahanga ka na at tatawa pag nakapagpalobo ka ng laway. Yayabang ang tingin mo sa sarili mo kapag nagawa mo rin yun. Nang walang pag-aalinlangan. Nang walang pagtatanong ng sarili mo kung ok lang ba yun sa ibang tao. At marerealize mo na nagpapalakihan na kayo ng batang ikaw sa pagpapalobo ng laway habang nakaupo ka sa banyo at tumatae.

Bored ka ba? Bakit hindi mo iwaksi ang isipan at i-shake ang ulo na parang wala ng bukas? O tumakbo ng nakahubad sa buong bahay 'pag wala kang kasama? O ibalanse na parang nakatayong gulong ang mga piso mo sa alkansya? Babala lang: wag mo tong gawin pag hindi naka-set ang utak mo sa pagiging immature. Kasi baka sa pag-alog mo ng ulo e maalala mo ang mga mapapait mong karanasan kay Tonyang, o sa pagtakbo mo e mapatingin ka sa isang salamin at mapangitan ka sa sarili mong katawan, o sa paglalaro mo e maihagis mo sa kung saan-saan ang mga piso kasi lintik na yan ayaw mabalanse ng mga hayop.

Bored ka ba? It's time to use the power of your mind, which is imagination. At kung sa imagination mo e mabored ka pa rin, magsuicide ka na. Jowk lang, ahehe.