Parang Hour Glass

"NAKU! NA NAMAN?!" tanong ng ale sa T.V..
"NAKU! NA NAMAN?!" tanong ng mama sa dyaryo..
"NAKU! NA NAMAN?!" tanong ng mga kabataang nakakabalita sa lahat ng uri ng delubyo.
"TAAS NA NAMAN?!" tanong ng ale sa T.V..
"TAAS NA NAMAN?!" tanong ng mama sa dyaryo.
"TAAS NA NAMAN?!" tanong ng mga kabataang natataasan sa lahat ng uri ng bilihin.
"PATAY NA NAMAN?!" tanong ng ale sa T.V..
"PATAY NA NAMAN?!" tanong ng mama sa dyaryo.
"PATAY NA NAMAN?!" tanong ng mga kabataang nababagabag sa lahat ng mga namamatayan.

Umiinom lang ng gatas na may Milo ang isang bata.
Nakaharap sa monitor ng laptop at malalim na nag-iisip.
Sa gitna ng lahat ng masamang balita,
may taong hindi nabubuwal sa pagkakatindig.

Para siyang walang pakiaalam sa paligid,
pero, 'wag ka, pilit niyang nilulusot ang mga balita sa isang maliit na butas.
Pilit tinutulak ang matigas na ideya sa delikadong daan.
At 'pag nakaraos, maraming ang masasagasaan.
Kasama ang mga taong pagtatanong lang ang alam.

Pero walang mangyayari.
Sisisihin ulit nila ang tinalagang autoridad
na parang mas may alam pa sila.
Mauulit lang ng mauulit ang bulok na ugali at ang lantutay na sistema.

"NAKU! NA NAMAN?!" tanong ulit ng mga taong nakakabalita sa lahat ng uri ng delubyo.
"TAAS NA NAMAN?!" tanong ulit ng mga taong natataasan sa lahat ng uri ng bilihin.
"PATAY NA NAMAN?!" tanong ulit ng mga taong nababagabag sa lahat ng mga namamatayan.

Exorcising Oneself

The man get caught unguarded.
The devils surround him.

The man just stands...
...in the middle of the deceiving mass.

He looks everywhere...
...all he sees are tempting illusions.

He hears the creaking of their bows,
then they release the arrows!

Just when the arrows-- burning at that--
nearly strike his eyes, the time stops.

He feels the heat...
...quickly being warm.

It's...so...a calming warmth...
it makes him smile.

The time clicks.

His brain is scattered on the ground.
Burning.

Sa Ilalim ng Puno ng Mangga

Sa ilalim ng puno ng mangga,
Nag-umpisa ang hiwaga.
Lumalabas raw ang engkantada,
Nang-aakit, naninila.

Sa ilalim ng puno ng mangga,
Ang bata ay tumanda na,
Nadama raw ang haplos ng ina,
Nasabik sa aruga n'ya.

Sa ilalim ng puno ng mangga,
Ang lalaki'y nabulok na.
Hinihintay pa rin ang dalaga,
Na gusto raw s'yang makita.

Sa ilalim ng puno ng mangga,
Pag-ibig ay namahinga,
Nang ang umiibig pa nang una,
Naakit ng engkantada.

Sa ilalim ng puno ng mangga,
May nagluluksang matanda,
Batang pinagpalit sa pamilya,
'Di na n'ya ulit makita.

Sa ilalim ng puno ng mangga,
Naakit ang mangagawa,
Nilagay ang titulo sa kanya,
Lupa ng puno ng mangga.

Pinutol na ang puno ng mangga,
Engkantada'y nawala na.
Buto ng kanyang mga nasila,
Sisingil sa manggagawa.